• Es tecnics deth Centre de Lauegi deth Conselh Generau d’Aran an participat ena XVIII trobada de Centres de Prediccion de Lauegi des Pirenèus, que s’a hèt en Saragossa, eth 28 e 29 d’octobre

Aguesta trobada se hè cada dus ans, ena tardor, e s’organize en torns per part d’un des centres publics regionaus que hèn prediccion de lauegi. Enguan s’a hèt ena sedença dera Agéncia Estatau de Meteorologia (AEMET) en Saragossa, a on era institucion hè era prediccion meteorologica e nivologica entara montanha.

Tanben i an participat er Institut Cartografic e Geologic de Catalonha (ICGC), eth Servici de Meteorologia Nacionau d’Andòrra (SMA) e MeteoFrance.

Pendent es dues jornades, es centres an hèt presentacions sus projèctes d’observacion deth celh de nhèu e de prediccion deth perilh de lauegi damb es dades d’estacions meteorologiques, tecniques de teledeteccion e modèls d’intelligéncia artificiau. Tanben a servit entà escambiar experiéncies, informacions e actualizacions relacionades damb era prediccion de lauegi operativa laguens deth contèxte europèu des EAWS (European Avalanche Warning Services) e tanben tà refortir es canaus de comunicacion comuns entà trabalhar de manèra collaborativa ena prediccion de lauegi.

Vielha, 1 de noveme 2024