Eth Conselh Generau d’Aran a iniciat ua campanha enes escòles dera Val d’Aran entà pr’amor de hèr préner consciéncia as mès joeni ath torn des practiques adequades deth reciclatge.

En totau s’an repartit un totau de 240 paperères d’envasi blus e auriòs (papèr/carton e plastic) entà qu’es escolars poguen separar es residus.

Eth despartiment d’aguestes paperères a anat acompanhat per huelhetons informatius sus coma separar es residus, eth consum responsable de lutz electrica, emplegar bosses de carton o reutilizables ara ora de visitar es comèrci, apostar peth transpòrt sostenible coma era biciclèta, atau coma un long eca.

Eth conselhèr de Territòri d’Aran, Eduardo Valdecantos, a soslinhat era «importància de transméter as nòsti joeni es valors en reciclatge. Mos cau èster conscienti de ben petits dera grana quantitat de residus que generam e des practiques que mos pòden servir a amendrir aguesta quantitat e facilitar un corrècte tractament des residus entà que poguen èster reciclats».