Eth Fòrum Futuring Aran se presente ara societat

• Eth diuendres, 27 de març, Era Audiovisuau de Vielha acuelherà eth Fòrum Futuring Aran.

Eth Fòrum Futuring Aran arrinque diuendres que ven, 27 de març, organizat peth Conselh Generau d’Aran e er Ajuntament de Vielha e Mijaran, en collaboracion damb era Cramba de Comèrç de Lhèida, era Deputacion de Lhèida e es empreses Rosa Guardado Events&Business e Coaching&Futuring, a ua vision fòrça clara: cambiar era relacion des nòstes organizacions e es sòns directius damb eth futur.

Eth fòrum anticipe qu’era competéncia d’anticipar eth futur e bastí’c serà clau entath trionf economic e eth progrès sociau de toti, pr’amor qu’aguest trionf ei enes diferenti futurs que son possibles e ena connexion damb eth potenciau entath melhor futur des organizacions. Aguesta abiletat entà tractar efectivaments damb eth futur ei basica en un mon de cambis vertiginosi.

Eth 27 de març se presente era vision deth que serà eth Fòrum Futuring Aran 2016: un eveniment que comence a crear eth binomi Aran-Futur enquia plaçà’c ena ment de toti es actors deth mon economic e empresariau, e dera societat en generau.

Er acte compdarà damb era preséncia deth sindic d’Aran, Carlos Barrera, eth conselhèr d’Empresa e Trabalh d’Aran, Eduardo Valdecantos, eth baile de Vielha e Mijaran, Álex Moga, eth director de Coaching&Futuring Empresariau e expèrt ena anticipacion empresariau, Vicente Marrama, qu’expausarà es linhes mèstres deth Fòrum Futuring Aran e eth cambi de paradigma que portarà, e er economista e expèrt ena gestion empresariau, Jaume Llopis, qu’impartirà era conferéncia «Non podem pas dirigir en sègle XXI damb estratègies, organizacions e estils deth s. XX».

PROGRAMA FÒRUM FUTURING ARAN 2016:

Diuendres, 27 de març. Era Audiovisuau de Vielha

– 10h00 Inscripcions

– 10h30 Inauguracion:

Plan Illtre. Sr. Álex Moga Vidal, baile de Vielha e Mijaran

Mgfc. Sr. Carlos Barrera Sánchez, sindic d’Aran

– 11h00 Presentacion deth Fòrum Futuring Aran 2016

Sr. Vicente Marrama, coach corporatiu e director de Coaching & Futuring Empresarial

– 11h30 Pòsa cafè

– 12h00 Conferéncia: “Non podem pas dirigir en sègle XXI damb estratègies, organizacions e estils deth sègle XX”

Sr. Jaume Llopis, economista e expèrt en gestion d’empresa

– 13h15 Clausura