Aymar, participarà damb es mielhors riders deth mon en circuit Freeride World Qualifier 2014-2015, a on ues des pròves aurà lòc en Baqueira Beret

Pendent aguesti mèsi d’ostiu, eth freerider aranés, Aymar Navarro, se desplacèc tà America deth Sud (Argentina) entà premanir era naua sason a on tornarà a competir en circuit Freeride World Qualifier (FWQ) damb es mielhors riders deth mon.

Navarro, disputarà ua des pròves deth circuit FWQ en casa, pr’amor qu’en mes de març, Baqueira Beret, aculherà ua pròva d’aguest circuit.

Aymar Navarro, a signat un convèni damb eth Conselh Generau d’Aran entà promòir era destinacion toristica esportiua Val d’Aran peth mon, representada ena imatge e en es valors deth freerider. “Qui melhor qu’es nòsti joeni esportistes professionaus aranesi entà representar eth nòste país e eth sentiment d’identitat” manifestèc Carlos Barrera, sindic d’Aran.

Video d’Aymar Navarro en Argentina: https://vimeo.com/104982780