Foto d’archiu deth moment en que s’aprovèc era Lei d’Aran eth passat mes de hereuèr en Parlament de Catalonha.  

Eth sindic d’Aran, Carlos Barrera, eth vicesindic d’Aran, Luis Carlos Medina e er assessor deth Departament de Governacion en ahèrs dera Val d’Aran, Álex Moga, an intervengut aué ena amassada dera Comission d’Ahèrs Normatius Bilateraus: Govèrn dera Generalitat de Catalonha- Administracion Generau der Estat a on s’a iniciat ua negociacion sus es articles dera Lei 1-2015 deth Regim Especiau d’Aran: 5, 8, 48, 53, era disposicion addicionau 1a, era disposicion addicionau 2aua e era disposicion finau 5aua.

En aguesta reünion s’a defenut dauant dera Administracion Generau der Estat amassa damb es Servicis Juridics dera Generalitat es interèssi deth pòble aranés en tant era possibla interposicion deth recurs d’inconstitucionalitat des articles nomentadi.

Ena reünion tanben s’a concretat un escambi de redactat e prepauses en tot sajar d’arribar a un punt d’enguarda comun, en tot deféner er esperit dera Lei aprovada en Parlament de Catalonha eth passat mes de hereuèr.

Enes pròplèus setmanes arribaran es prepauses.