En tot acabar dusau ena categoria novice masculin damb un programa plen de dificultats.

Un totau de sies patinadors heren concurréncia eth passat 18 de seteme ena jornada inaugurau deth Lombardía Trophy (Sesto San Giovanni), en tot correspóner as programes cuerti enes categories de novice femenin, novice masculin e júnior masculin.

Eth resultat mes destacat dera delegacion espanhòla siguec deth patinador catalan deth CEGVA, Tomás Llorens Guarino qu’acabèc dusau en novice masculin damb ua puntuacion de 33,69.

Guarino, qu’entrene entre Vielha damb Nathalie Pardos e París damb Bernard Glesser, presentèc un programa de grana dificultat en quau completèc un triple salchow, combinacion tripla toe + dobla toe, damb ua petita imprecision ena gessuda e dobla axel, atau como bones piruetes. Era sua nòta pes elements siguec nauta entà un novice 20.67 punts, que maugrat realizar sonque sies elements, supausarie minima tecnica entath mondiau junior, que se realize sus era basa deth sèt.