Eth director dera Agéncia Catalana deth Consum, Alfons Conesa, e era conselhèra de Torisme, Comèrç e Consum d’Aran, Anna Díaz, an presentat era exposicion “Consum: punt d’amassada”, damb er objectiu de mostrar as visitants era estructura deth consum en Catalonha, un modèl que protegís es persones consumidores e que s’a vist refortilhat damb eth Còdi de Consum de Catalonha. Damb aguest modèl se vò potenciar eth consum critic e reflexiu a trauès de cinc concèptes: eth Còdi de Consum; drets e déuers des consumidors; seguretat de productes; activitats d’informacion e formacion que s’amien a tèrme des dera Agéncia Catalana deth Consum e eth consum reflexiu.

Era exposicion a un format originau e diferent donques que se poderà veir e a consultar de manèra interactiva laguens d’uns contienedors que son installadi enquiath 12 d’abriu enes antigues casèrnes militares de Vielha. Es dies e er orari de visites serà de deluns a dimenges de 11 a 21ores.