• Era Junta Locau dera AECC d’Aran a organizat ua caminada contra eth càncer de popa que s’a desvolopat per Vielha.

Aué dimenge, dia 18, damb motiu deth Dia contra eth càncer de popa, era Junta Locau dera AECC dera Val d’Aran a organizat ua caminada contra eth càncer de popa qu’a agut lòc aguest maitin peth pòble de Vielha e a on an participat ues 600 persones.

Damb aguest tipe d’acte se mobilize ara societat ena luta contra eth càncer de popa e per un aute costat, se capten hons entà auançar ena investigacion entà hèr-li tèsta. Tanben, s’aufrís informacion multidisciplinària sus aguesta malautia, damb enfasi e difusion des programes e servicis qu’era AECC met ara disposicion des persones afectades e a familhars.

En Espanha, cada an, 22.000 persones son diagnosticades de càncer de popa, damb ua donada significativa: 1 de cada 8 hemnes aurà càncer de popa ath long dera sua vida.