Aguest dissabte, 1 d’agost, a compdar des 21:00 ores, aurà lòc ua naua edicion Night Running Series- Era Nocturna Vielha, corsa que se desvoloparà pes carrèrs de Vielha. Se tracte d’ua jornada ena quau i aurà diferentes pròves:

– Corses de 10 Km e 5Km: entàs 21:00 ores.

– Caminada popular 5km: entàs 20:00 ores.

– Corses infantils: mainatges menors de 12 ans qu’aurà lòc entàs 19:00 ores.

D’aguesta manèra, toti pòden participar, ja siguen en tot caminar o corrent.

Luís Carlos Medina, vicesindic d’Aran e conselhèr d’Espòrts, a soslinhat “era corsa Night Running Series- Era Nocturna Vielha dejà s’a assolidat coma un eveniment popular e esportiu de referéncia entàs residents d’Aran e entàs persones que mos visiten”.

Night Running Series- Era Nocturna Vielha ei ua activitat realizada peth Club Atletic Val d’Aran (CAVA) que compde damb era colaboracion entre d’auti, deth Conselh Generau d’Aran.

Aué, de 16:00 a 21:00 ores en Passèig de Vielha encara podetz realizar es inscripcions presenciaus.

Mès informacion: www.nightrunningseries.com