Prèmi de Narracion, Poesia e Novèlla Juvenila adreçat as adults (de 18 ans ensús)

• Categoria Narracion:
  Minim 25 huelhes
  DIN A-4, sonque per ua cara.
  Prumèr prèmi…1000 € e diplòma
  Finalista……….500 € e diplòma
  Dus accèssits…… 200 € e diplòma

• Categoria Poesia:
  Minim 70 vèrsi
  Prumèr prèmi……1000 € e diplòma
  Finalista…………500 € e diplòma
  Dus accèssits………200 € e diplòma

• Categoria Novèlla Juvenila:
  Minim 20 huelhes
  Din-A4 sonque per ua cara
  Prumèr prèmi …….700 € e diplòma
  Finalista……………350 € e diplòma
  Dus accèssits…………150 € e diplòma

BASES

1. Presentacion dera òbra:

a) Auetz de signar era òbra que presentatz damb un lèma o subernòm.
b) Presentaratz 6 còpies dera vòsta narracion o poesia laguens d’ua engolòpa. En exterior d’aguesta engolòpa i meteratz eth títol, eth lèma o subernòm e era categoria a qué correspon.
c) En ua auta engolòpa mès petita i introdusitz ua huelha a on figure eth lèma o subernòm, eth nòm e cognòms, adreça, edat e sustot eth vòste telefòn e la barratz. En aguesta madeisha engolòpa, per dehòra, i calerà escríuer eth subernòm, eth títol e era categoria a qué correspon. Aguesta segona engolòpa acompanharà ara òbra.
d) Non s’acceptaràn es trabalhs a on a simpla vista s’i veigue eth nòm der
autor/a.
e) Presentatz es vòsti trabalhs en interlinhat senzilh (mesura hònt 12).
f) Tanben cau presentar era òbra en supòrt informatic Windows (preferentament Word)

2. Sonque s’acceptarà ua òbra per categoria, mès podetz presentar-vos enes tres
categories.

3. Era òbra a d’èster inedita.

4. Es trabalhs an d’èster redigits en aranés o en quinsevolh aute dialècte o varianta der occitan.

5. Es trabalhs s’auràn de presentar en Departament de Lengua e Cultura deth Conselh Generau d’Aran abans deth 28 d’abriu de 2017.

6. Es prèmis s’entregaràn enes dies propèrs ara Hèsta d’Aran (17 de junh), laguens des actes corresponents ara sua celebracion.

7. Es òbres presentades demoraràn en proprietat deth Conselh Generau d’Aran.

8. As prèmis superiors a 300 € se les aplicaràn es retencions fiscaus en vigor.

Vielha, 30 de gèr de 2017

Conselh Generau d’Aran: Núria Sanjuan