Estrea online deth documentau “Drop in a Life” d’Aymar Navarro Combalié

• “Drop in a Life” ei un documentau sus era vida esportiua deth rider aranés, Aymar Navarro.

• Eth documentau se pòt veir ena web de RedBull.

A principis deth mes de març se presentèc ena Val d’Aran eth documentau sus Aymar Navarro “Drop in a Life”, era estrea auec ua responsa massiva dera gent e s’an realizat mès projeccions.

Aymar Navarro a manifestat “ei un dia fòrça especiau entà jo pr’amor qu’era pellicula Drop in a Life s’acabe d’estrear online, ei tot un plaser poder ensenhar a toti aguest polit documentau de 53menutes damb ues espectaculares imatges des darrèri 5 ans”.

Eth documentau a estat realizat per BumpyFilms e compde damb aportacions d’amics e familhars que parlen e opinen sus era trajectòria esportiua d’Aymar, anecdòtes,… .

Aymar Navarro, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth rider aranés.