• Era plantilha e eth còs tecnic an estat arrecebudi peth conselhèr de Territòri d’Aran, Jose Antonio Boya.

Era equipa dera Liga Nacionau de Fotbòl Sala, Catgas Energia, ei concentrat ena Val d’Aran en tot realizar un stage de preparacion entara pròplèu sason 2016-17 que començarà en mes d’octobre. Tant era plantilha coma eth còs tecnic an estat arrecebudi ena sedença deth Conselh Generau d’Aran peth conselhèr de Territòri d’Aran, Jose Antonio Boya.

Era equipa realize entrenaments en Palai d’Espòrts de Vielha (gimnàs, peses, carrèra,…).

Juan Carlos León, director generau e gerent deth Catgas Energia, a arregraït era acuelhuda dera Vau d’Aran ara equipa e a soslinhat es estructures esportiues de prumèr nivèu.

Pera sua banda, eth conselhèr, Jose Antonio Boya, les a desirat fòrça sòrt entara sason que ven e les a arregraït qu’agen escuelhut un an mès era Val d’Aran entà realizar era pretemporada.

Aué dimèrcles, 7 de seteme, entàs 20:00 ores en Palai d’Espòrts de Vielha eth Catgas Energia participarà en un torneg triangular en quau s’afrontarà a ua seleccion e ath guanhador des 30 ores de Vielha.

Vielha, 7 de seteme de 2016

Conselh Generau d’Aran: Núria Sanjuan