• Eth Centre de Lauegi deth Conselh Generau d’Aran participèc era passada dimenjada en Vau Fòrum d’Especialistes en Lauegi, celebrat en salon d’actes dera Deputacion Provinciau d’Òsca.

Aguest eveniment, organizat pera Catedra de Montanha dera Universitat de Saragossa, amassèc a expèrts en lauegi entà compartir es progrèssi entara sua prediccion e gestion.

Eth tecnic en nivologia deth Centre de Lauegi deth Conselh Generau d’Aran, Jordi Gavaldà, presentèc era ponéncia “Singularitat dera gestion des lauegi ena Val d’Aran”, ena que detalhèc es especificitats deth territòri aranés e es estrategies implementades entà garantir era seguretat enes zònes de risc.

Eth programa deth fòrum includic tanben ponéncies sus cartografia de risc, estudis de prediccion, autorescat, gestion de lauegi e auanci en atencion medicau as victimes.

Era jornada servic entà compartir coneishements e tecnologies en aguest airau, atau coma entà fomentar era collaboracion entre es diuèrsi organismes e professionaus implicadi ena gestion de lauegi.

Vielha, 03 de març 2025