Vielha, 14 de junh de 2019.- Eth responsable deth Centre de Prediccion de Lauegi deth Conselh Generau d’Aran, Jòrdi Gavaldà, a participat deth 12 ath 14 de junh ena 20au Assemblada Generau des Servicis Europèus d’Alèrte de Lauegi que s’a celebrat en Oslo (Norvègia), organizada pera Direccion Norvègia de Recorsi Idriqui e Energia.

Era assemblada auie per objectiu compartir naues idèes e practiques en lauegi, desvolopar e melhorar estandards, forjar era collaboracion entre tecnics des desparièrs centres a nivèu internacionau e compréner es besonhs futurs des usatgèrs.

Entre d’auti, pendent es jornades s’a trabalhat en naui estruments de pronostic des lauegi, es tecniques qu’utilizen es expèrts e es perspectives entà futurs pronostics de lauegi.