Vielha, 24 de març de 2017.- Eth Romanic Musicau de visites-concèrts enes glèises dera Val d’Aran, ei ua formula que combine explicacions sus es glèises romaniques dera Val d’Aran damb concèrts de musicia classica, en aguest cicle assolidat, que torne aguesta Setmana Santa entà apropar as toristes ara istòria der auviatge aranés e mostrar era evolucion des monuments dera Val religada ara des sues costums e es sues tradicions.

Era activitat comence damb un audiovisuau sus era glèisa a on se celèbre, comentat pera istoriana Elisa Ros, expèrta en romanic aranés e finalize damb un concèrt de musicia classica. Patrocinat peth Conselh Generau d’Aran e Foment Torisme Val d’Aran, damb era collaboracion der Institut d’Estudis Ilerdencs e eth Archiprestat dera Val d’Aran, aguest cicle gratuït refortilhe eth programa de visites guidades ar auviatge qu’amie a tèrme eth Conselh Generau d’Aran.

Es concèrts de Setmana Santa:
Diuendres 04/14/2017 – Glèisa de San Andrés de Salardú – Ora: 20: 45h
Domingo 04/16/2017 – Glèisa dera Purificacion de Bossòst – Ora: 19: 30h