En marc des actuacions de sensibilizacion sus eth reciclatge qu’eth Conselh Generau d’Aran desvolope en territòri, entad aguest cors escolar 2016/2017 s’an previst, amassa damb er IES d’Aran un seguit de talhèrs practics adreçadi ara mielhora ena seleccion e era reutilizacion des envasi de plastic.

Entre aguestes actuacions s’a realizat ena sedença deth Conselh Generau d’Aran ua charrada informativa sus eth reciclatge e er aprofitament des plastics en Catalonha a cargue deth director gerent dera entitat Ecoembes en Catalonha, Enric Ibáñez.

Er acte a compdat damb era preséncia deth conselhèr de Territòri d’Aran, Jose Antonio Boya, ath delà des representants des centres educatius dera Val d’Aran e de public interessat ena problematica dera conservacion der entorn naturau a on viuem.

Vielha, 5 d’octobre de 2016

Conselh Generau d’Aran: Núria Sanjuan