Era pista de Portet, plaçada en tèrme municipau de Les, ère fòrça maumetuda coma conseqüéncia des maus provocadi peth collapse deth drenatge dera pista que provoquèren despreniments ena madeisha en tot espatracar era caisha deth paviment e des proteccions.

Eth Conselh Generau d’Aran signèc un convèni damb era Fondacion Endesa entà pr’amor d’apraiar, entre d’auti, aguesta pista forestau des desperfectes ocasionadi pes aiguats der an passat, damb un pressupòst d’execucion de 100.947,75€.

Aguestes accions, segons a explicat eth conselhèr d’Agricultura, Ramaderia e Miei Naturau d’Aran, Jose E. Arró, “comportaràn ua major seguretat entàs pagesi de Les ath sòn accès ara montanha de Portet”.

Pera sua part, eth conselhèr de Territòri d’Aran, Eduardo Valdecantos, a manifestat era importància d’aguestes accions, atau coma er esfòrç deth Govèrn en apraiament e melhora des infrastructures enes pòbles de Les e Bossòst.