• Musèus Val d’Aran, dera man dera empresa In Situ Patrimoni, a desvolopat un nau projècte de visites virtuaus en 360º des glèises dera Val d’Aran, en tot promocionar atau eth nòste auviatge istoric e culturau de forma segura e sense auer de gésser de casa

Eth Conselh Generau d’Aran, a trauès de Musèus Val d’Aran e era empresa In Situ Patrimoni, a desvolopat un nau projècte culturau gràcies ath quau s’aufrís era Rota Romanica d’Aran en linha. A compdar d’aué, totes es persones interessades poiràn hèr un torn virtuau per totes es glèises que formen part d’aguesta rota.

Se tracte d’un prumèr viatge virtuau, a partir de fotografies en 360º, qu’aproparàn as usatgèrs era arquitectura, escultura e pintura des glèises araneses simplement hènt a córrer er arrat. A partir d’aguest prumèr viatge, e en fases següentes deth projècte, se desvoloparàn tanben contenguts que permeteràn crear naui punts d’enguarda e que haràn mès accessible eth coneishement, ath temps qu’aportaràn valor ath nòste patrimòni religiós.

Ua naua formula entà promòir era nòsta cultura de forma segura e sense botjar-te de casa. Pòs visitar era Rota Romanica virtuau d’Aran hènt click aciu!