• Aguestes ajudes an coma objectiu qu’es familhes dera Val d’Aran damb hilhs e hilhes en edat d’escolarizacion obligatòria e qu’agen dificultats sociaus e economiques, agen ua ajuda que les permete hèr usatge deth servici de minjador enes centres escolars d’ensenhament public deth nòste territòri

Eth Conselh Generau d’Aran a dubèrt eth termini entara sollicitud des ajudes de minjador per rasons socioeconomiques a escolans/es d’ensenhament obligatòri escolarizadi en centres publics dera Val d’Aran entath cors 2021/2022.

“Er objectiu principau d’aguestes ajudes ei qu’es familhes dera Val d’Aran damb hilhs e hilhes en edat d’escolarizacion obligatòria e qu’agen dificultats sociaus e economiques, agen ua ajuda que les permete hèr usatge deth servici de minjador deth sòn centre escolar, qu’ei un servici basic e ath quau toti es mainatges e mainades deth nòste territòri an d’auer accès”, afirmaue era sindica d’Aran, Maria Vergés.

Pòden èster beneficiaris es escolans/es d’educacion infantil e ensenhaments obligatòris enes centres d’ensenhament publics ordinaris deth Departament d’Educacion ena Val d’Aran. Er impòrt dera ajuda individuau que pertòque a cada beneficiari se calcularà aplicant es critèris estabits enes bases des ajudes sus eth prètz deth menú mensuau dera escòla.

Er equip tecnic des servicis sociaus deth Conselh Generau d’Aran balharàn informacion, facilitaràn es bases e es formularis dera convocatòria a quinsevolh persona que sigue interessada ena ajuda, atau coma as diuèrsi centres educatius d’Aran.

Entà mès informacion, consultatz es bases dera convocatòria:

https://tauler.seu.cat/pagDetall.do?idEdicte=311965&idens=8103980001