Eth Conselh Generau d’Aran adjudique eth projècte de reforma dera Residéncia de Les

agost 25, 2017 Govèrn, Slider

Vielha, 25 d’agost de 2017.- Eth Conselh Generau d’Aran a adjudicat eth contracte administratiu deth servici de Redaccion deth projècte executiu d’arquitectura e d’installacions e direccion d’òbra e direccion d’execucion dera reforma dera Residéncia de Les, ara enterpresa ECT ARQUITECTES SL – MOSE SERVEIS D’ENGINYERIA SLPU UTE.

REsidencia Les

Eth pressupòst deth contracte ei d’ueitanta nau mil tres cents ueitanta dus èuros damb setanta centims (89.382,70 €) IVA includit, desglosadi en:

 

  • Redaccion deth projècte executiu d’arquitectura: Dètz-e-nau mil cinc cents nauanta sèt èuros (19.597,00 €), IVA includit,
  • Redaccion deth projècte executiu d’enginheria: Dètz-e-sèt mil dus cents sies èuros (17.206,00 €), IVA includit,
  • Direccion des òbres d’arquitectura e installacions: Trenta tres mil quate cents èuros (33.400,00 €), IVA includit,
  • Direccion d’execucion d’arquitectura e installacions: Dètz-e-nau mil cent ueitanta èuros (19.180,00 €), IVA includit

 

Eth termini d’execucion deth contracte ei de 4 mesi respécte ara redaccion deth projècte executiu d’arquitectura e enginheria.

Eth sindic d’Aran, Carlos Barrera, indiquèc que damb era adjudicacion d’aguest contracte, se contunhen es trabalhs entath bastiment dera naua residéncia geriatrica dera Val d’Aran, en Les, qu’ei ua des prioritats deth Govèrn d’Aran. Entà Barrera, çò mès important de tot ei qu’eth Govèrn d’Aran e era Generalitat de Catalonha, poguen garantir era prestacion de toti es servicis deth Conselh Generau d’Aran e entre 20 e 30 places consorciades en aguest projècte.

Comments are closed.