Eth passat 31 de junshèga en Pont de Suert se subastèren mès de 80.000 tones de husta de bòsqui de propietat d’Entitats, Ajuntaments e dera Generalitat de Catalonha, en tot assolir eth maximal istoric de concentracion de husta subastada en un unic acte, provinenta des bòsqui dera Generalitat de Catalunya e de 46 entitats locaus.

Er acte compdèc damb era preséncia der conseller d’Agricultura, Ramaderia, Pesca e Alimentacion dera Generalitat de Catalonha, Jordi Ciuraneta, eth director generau de Medi Naturau e Biodiversitat, Antoni Trasobares, a mès de d’autes autoritats.

Aguesta subasta, ena quau non i auie husta provinenta dera Val d’Aran, se realizèc en marc dera jornada sus forests publics que s’amiec a tèrme e ara quau assistiren eth conselhèr de Territòri d’Aran, Jose Antonio Boya, e era tecnica forestau deth Conselh Generau d’Aran.

Era husta a véner ère en pè o metuda ena industria damb varietat de formats. De toti aqueri lòts a vèner, era major part s’adjudiquèren tot e que beth un quedèc dessert.

Pendent era subasta, es representants politics visitèren era caudièra de biomassa qu’alimente era piscina de Pont de Suert e uns trebalhs silvicoles dera comarca ribagorçana, entà poder méter de relhèu “era importancia d’implementar era bioeconomia, ei a díder, era gestion forestau sostenible e multifoncionau, basada ena innovacion tecnologica, eth coneishement, era competitivitat economica e era generacion de lòcs de trabalh en àmbit rurau” segontes paraules deth conseller d’Agricultura, Ramaderia, Pesca e Alimentacion dera Generalitat, Jordi Ciuraneta.

Pera su part, eth conselhèr de Territòri d’Aran, Jose Antonio Boya, metèc de manifèst eth trabalh que des de hè fòrça ans està hent eth Conselh Generau d’Aran en manteniment des bòsqui e merquèc coma objectiu d’aguest Govèrn “implantar eth projècte d’installacion de caudières de biomassa a compdar dera limpiesa de pistes forestaus, aclariment de bòsqui (en tot retirar arbes desarraïzadi e malauts) que permeten er estauvi energetic, era regeneracion naturau des bòsqui d’Aran e tanben era generacion de naui lòcs de trebalh”.