• Entà estimular er emplec de persones joenes damb titolacion, eth Conselh Generau d’Aran contractarà ad aguesti joeni tà que poguen auer ua prumèra experiéncia laborau de 6 mesi e conéisher d’apròp era administracion publica
A despiet que fòrça joeni an titolacion reglada o laborau que les capacite tà accedir entath mercat de trabalh, es donades de caumatge entre era joenessa demòstren que fòrça d’eri non trapen trebalh maugrat era sua formacion.

Aguesta realitat sociau constituís ua preocupacion compartida, e damb er objectiu de milhorar aguesta situacion, s’an aprovat es bases reguladores tara concession de subvencions destinades a promòir era contractacion en practiques de persones joenes beneficiàries deth programa Garantia Juvenil (GJ) en Catalonha, damb eth quau eth Servei Públic d’Ocupació (SOC) vò milhorar era emplegabilitat dera joenessa formada.

Ei per aquerò qu’eth Conselh Generau d’Aran contractarà pendent 6 mesi a jornada complèta, ena modalitat de practiques, a 3 joeni/es enes diuèrsi departaments:

• En Departament de Gestion de residus: FP o grad universitari en airau agrari, de mèdi ambient, forestau, administracion, engenheria…

• En Departament d’Informatica: FP o grad universitari en sistèmes informatics e hilats.

• En Departament der Archiu Generau d’Aran: FP o grad univeristari en gestion administrativa, secretariat, archiu, empresariaus…

Tà poder-se beneficiar deth programa Garantia Juvenila cau complir aguestes condicions:

• Auer era nacionalitat espanhòla o èster ciutadan/a dera Union Europèa o des Estats que son membres der Acòrd Economic Europèu o Soïssa que se trapen en Espanha en exercici de liura circulacion e residéncia. Tanben s’i poiràn inscríuer es estrangèrs titoladi damb ua autorizacion tà residir en territòri espanhòu que les abilite tà trabalhar.

• Èster empadronat ena localitat que sigue deth territòri nacionau espanhòu.

• Auer mès de 16 ans e mens de 30.

• Non auer trabalhat eth dia naturau anterior ara data de presentacion dera sollicitud.

• Non auer recebut cap d’accion educativa eth dia naturau anterior ara data de presentacion dera sollicitud.

• Non auer recebut cap d’accion formativa eth dia naturau anterior ara data de presentacion dera sollicitud.

• Presentar ua declaracion exprèssa d’auer interès en participar en Sistèma Nacionau de Garantia Juvenila, aquerint un compromís de participacion activa enes accions que se desvolopen en encastre dera Garantia Juvenila. En cas des sollicitaires de trabalh sonque serà de besonh era inscripcion enes servicis publics d’emplec.

Era data limit d’inici de contractacion ei eth 20 de seteme e era durada ei de 6 mesi.

Tàs inscripcions e tà mès informacion, contactatz damb eth SOC ena Av. Maladeta, 11, de 08:30 a 14:00 ores.

Vielha, 3 d’agost de 2021