• A compdar de deman, 19 de seteme, e pendent eth mes d’octobre, er airau de Promocion Economica deth govèrn d’Aran a organizat ua sèria d’activitats de formacion online entà balhar esturments d’utilitat tàs enterprenedors e petites empreses dera Val d’Aran.

• Aguestes formacions son gratuïtes, mès ei de besonh realizar inscripcion prèvia a trauès deth mail promeco@aran.org

Er airau de Promocion Economica deth Conselh Generau d’Aran a organizat un nau cicle de formacions de franc en matèria d’enterprenedoria e innovacion.

En tot començar deman, 19 de seteme, e alongar-se pendent tot eth mes d’octobre, aguestes formacions cerquen prebotjar er esperit enterprenedor e balhar esturments estrategics entà petites empreses deth territòri.

I pòt participar quinsevolh persona que sigue interessada, mès ei de besonh realizar inscripcion prèvia a trauès deth mail promeco@aran.org.