Eth Departament d’Agricultura, Ramaderia e Medi Naturau deth Conselh Generau d’Aran met en foncionament un cors de sanitat e igièna de carn silvèstre de caça eth pròplèu 27 de seteme, de 9 a 14 ores.

Er objectiu deth cors ei dar compliment ath Reglament CE 853/2004 deth Parlament Europèu e deth Consell, de 29 d’abriu, peth quau s’establissen es nòrmes especifiques d’igièna des aliments d’origen animau.

Aguesta normativa permet que quinsevolh persona tamb ua formacion suficienta sus eth programa deth cors, pogue certificar qu’es pèces de caça poguen èster transportades a un establiment autorizat de tractament de carn de caça e destinada ath sòn comèrç entath consum uman.

Es professors deth cors seràn veterinaris deth Servei d’Ecopatologia de la Fauna Salvatge SEFAS de la Facultat de Veterinària de la UAB: Dr. Santiago lavín, Dr. Ignasi marco e era Dra. Roser Velarde.

Eth cors s’implantarà ena 3au planta dera sedença deth Conselh Generau d’Aran e s’autrejarà un certificat d’assisténcia. Es interessadi en participar en cors, pòden contactar damb Judit Jaquet en tel. 973641801 o en corrèu electronic: j.jaquet@aran.org