• Era sindica d’Aran convocarà enes pròplèu dies un Plen extraordinari deth Conselh Generau d’Aran entà presentar era prepausa que serà debatuda e votada pes conselhères e conselhèrs generaus, atau e coma mèrque eth reglament que regule aguest tipe d’aunors

Eth govèrn deth Conselh Generau d’Aran condecirà a Carlos Barrera era distincion d’Aranés Illustre a titol postum.

“Deth govèrn d’Aran ençà volem autrejar ath sindic Barrera, a titol postum, aguesta distincion coma mòstra de reconeishement a toti es ans ath capdeuant dera maxima institucion aranesa, en tot trabalhar per Aran, eth sòn autogovèrn e era sua ciutadania damb compromís e leiautat ath territòri”, explicaue era sindica d’Aran, Maria Vergés.

Eth titol d’Aranés Illustre ei era màger distincion qu’autrège eth Conselh Generau,  atau e coma mèrque eth Reglament d’Aunors e Distincions dera maxima institucion aranesa, aprovat en darrèr Plen deth Conselh, que ditz que: “era concession deth titol d’Aranés/a Illustre/a sonque poderà requèir en aqueres persones que, en tot auer neishut ena Val d’Aran, agen destacat de forma extraordinària per qualitats e mèrits personaus o per servicis prestadi en benefici o aunor dera Val d’Aran qu’agen contribuït de forma indiscutibla ath ben public”.

Enes pròplèu dies, s’amiarà a tèrme un plen extraordinari en quau se presentarà era prepausa que serà debatuda e votada pes conselhères e conselhèrs generaus, atau e coma mèrque eth reglament.