Volentaris de Himalayan Glacier en Nepal (Tirtha Dai)
Eth tèrratrem que flagelèc eth Nepal eth passat 25 d’abriu de 2015 a causat ua pèrta colossau de vides e de proprietats atau coma de fòrça infrastructures maumetudes e de bèri monuments deth Patrimòni dera Umanitat d’immens valor istoric e arqueologic. Enquiath moment s’an trapat mès de 6.000 persones mòrtes e lèu de 17.000 persones herides, açò mos da era idèa dera magnitud d’aguesta tragèdia umana que viu eth pòble de Nepal.
Eth Govèrn de Nepal de forma immediata, s’a centrat principauments en rescat de persones, sauvar vides e era recopilacion d’informacion entà coordinar es trabalhs de sauvament de forma eficaça e oportuna deuant es efèctes devastadors deth tèrratrem.
Es Estats membres des Naciones Unidas, persones e organizacions umanitàries realizen contribucions volontàries tant en efectiu coma en espècies, entad açò s’a constituït eth Hons d’Ajuda entàs Desastres deth Prumèr Ministre (PMDRF) ara fin de poder canalizar aguestes ajudes e contribucions.
Aguestes contribucions financères, tanben pòden depausar-se en Compde corrent d’Ajuda a:
AJUDA DAMNATJATS TÈRRATREM NEPAL
IBAN: ES66 2100 0920 3002 0031 8805
CAIXABANK, S.A- LA CAIXA
Eth Govèrn de Nepal arregraís tota era cooperacion e es mesures de rescat e supòrt de socors volontàries e espontanèes que son proporcionades pera comunitat internacionau ad aguesta ora d’aguesta grana tragèdia nacionau.
Eth Govèrn de Nepal a decidit qu’es govèrns estrangèrs e es organizacions internacionaus poguen agranir era ajuda umanitària en tot contactar damb eth Ministèri d’Ahèrs exteriors deth Govèrn de Nepal, a trauès des Ambaissades e Consulats de Nepal e tanben damb era ajuda deth Burèu deth Coordinador Resident des Naciones Unidas en Katmandú.
Entà ua major efectivitat, aguesta ajuda internacionau aurà de compdar damb era aprobacion prealabla entàs de vòls de caractèr umanitari qu’arriben en Katmandú, quinsevolha equipa que sigue d’operacion de rescat de païsi estrangèrs entad enviament de quinsevolh materiau d’ajuda damb era fin de facilitar era sua coordinacion tant des sues arribades e es corresponentes gessudes e entàs trabalhs de sauvament e socorrisme.
Es següents materiaus d’ajuda son fòrça de besonh entath trabalh immediat: Tendes de campanha (petites, mejanes, granes), matalassi, mantes, purificadors d’aigua, kits de sanejament, utensilis. Son de besonh es equipes medicaus de cirurgian ortopèdic, anestesista, neuròleg, paramètges e cirurgian en generau.
Entà viatjar ath Nepal, toti es membres des equipes de rescat estrangèr se recomane èster en possession d’un passapòrt valid damb eth visat d’entrada corresponent.
“Des deth Conselh Generau d’Aran lamentam es pèrtes umanes e materiaus qu’a patit eth Nepal e manifestam eth nòste mès absolut supòrt, en tot comprometer-mos a hèr era maximala difusion e sensibilizacion entà collaborar ena obtencion de finançament que les ajude a restablir era normalitat” a manifestat eth vicesindic d’Aran, Luís Carlos Medina.