• Aguesti prèmis an coma objectiu reconéisher era dedicacion des estudiants de bachelierat der Institut d’Aran en emplec dera nòsta lengua a nivèu academic

Eth Conselh Generau d’Aran autrejarà prèmis entàs estudiants de bachelierat que realizen es sòns Trabalhs de Recèrca (TdR) en aranés, damb era finalitat de reconéisher era dedicacion des estudiants en emplec dera nòsta lengua a nivèu academic.

Se pòden presentar ad aguesti prèmis toti es estudiants de dusau de bachelierat matriculadi en Institut d’Aran que presenten eth trabalh de recerca en lengua aranesa en pròplèu cors 2021-2022.

Er obsequi recebut depenerà dera qualificacion obtenguda en trabalh. Entà obtier mès informacion, se pòt consultar er edicte regulador d’aguesti prèmis.