Fòto: Fototur
-
Aguesti prèmis an coma objectiu reconéisher era dedicacion des estudiants de bachelierat der Institut d’Aran en emplec dera nòsta lengua a nivèu academic
-
Deth Conselh Generau d’Aran ençà volem arregraïr eth trabalh desvolopat per aguesti ueit estudiants, que contribusissen ara difusion e dignificacion der aranés, atau coma felicitar a tot er alumnat deth nòste Institut qu’a finalizat eth Bachelierat e comence ara ua naua etapa en sòn futur educatiu!
Eth passat diuendres auec lòc era cerimònia de graduacion des estudiants qu’an acabat eth Bachelierat en Institut d’Aran. En madeish acte, se hèren a conéisher es trabalhs de recerca en aranés presentadi enguan e as qu’eth govèrn deth Conselh Generau d’Aran a concedit es prèmis as TDR en aranés, damb era finalitat de reconéisher era dedicacion des estudiants en emplec dera nòsta lengua a nivèu academic.
En totau son 8 trabalhs -tres mès qu’en cors passat- damb qualificacions de notable e excellent, que contribuiràn ara difusion e dignificacion dera nòsta lengua:
- M’engüegi aciu embarrat!
- Desvolopament urbanistic ena Val d’Aran.
- Era superviuença d’un club aranés: Era U.E Bossòst.
- Per qué i a escòles barrades enes pòbles?
- Es drògues enes adolescents.
- Hènt camin en un mon d’òmes.
- Çò que mos hè disparièrs.
- Evolucion e autogovèrn, dues paraules araneses.
Aguesti TdR les poiratz consultar ena web der aranés a compdar deth mes que ven: