• Es trabalhs amiadi a tèrme en aguest camin permeteràn melhorar era seguretat viau des usatgèrs e evitar possibles naui esbauçaments coma eth qu’obliguèc a barrar era pista

Eth Conselh Generau d’Aran a finalizat dejà es òbres qu’a amiat a tèrme ena pista d’Arres a Bossòst, barrada temporaument dempús d’un esbauçament causat pes efèctes der aigua.

Era empresa adjudicatàira d’aguestes òbres a acarrerat damb ua empeirada (escollera) era pista. S’an guanhat dus mètres d’amplada dera pista en tot repicar ua part dera montanha, artenhent atau un espaci de besonh.

S’a creat tanben un pas d’aigua entà evitar possibles naui esbauçaments e melhorar atau era seguretat viau d’aguesta pista.