• Damb aguesta oficina se dinamizarà e promocionarà eth torisme francés en Aran pendent tot er an.

Era conselhèra de Torisme e Desvolopament Economic d’Aran, Anna Díaz, e eth subdirector comerciau de Baqueira Beret, Xavi Ubeira, an signat un convèni entara dubertura d’ua oficina toristica conjunta en Toulouse.
En paraules dera conselhèra, Anna Díaz, “damb aguesta oficina, que serà plaçada ena Rue Pharaon, 39 de Toulouse, se trebalharam entara promocion e dinamizacion conjunta dera Val d’Aran pendent tot er an e toti es àmbits toristics ath delà der iuèrn e dera activitat pròpia der esquí”.

En àmbit geografic de Toulouse e es poblacions vesies, s’i trapen lèu 1.5M abitants, en tot èster Toulouse eth punt neuralgic dera Region francesa de Midi-Pyrénées, que concentre un totau de 750.000 abitants.

Era dubertura dera oficina ei prevista entath mes d’octobre.

Baqueira Beret dejà compde damb ua oficina en Burdeus e, damb aguesta dusau oficina quedarà cobèrta era campanha de promocion ena part sud e oèst de França damb expectatives d’expansion ath Nòrd.