• Eth Conselh Generau d’Aran e er Ajuntament de Vielha e Mijaran an signat un convèni damb era Associacion Contra eth Cancer (ACC) ena Val d’Aran entara realizacion d’un concèrt benefic organizat conjuntament damb era associacion Aran Teatre

• Eth concèrt solidari de Gospel se celebrarà pendent eth pònt dera Constitucion, eth dia 8 de deseme tàs 20:30 ores ena gleìsa de Mijaran e era totalitat des ingrèssi dera venda d’entrades anarà destinat ara Associacion Contra eth Cancer dera Val d’Aran

Aguest maitin era sedença deth Conselh Generau d’Aran a acuelhut era signatura deth convèni de collaboracion entre eth Conselh Generau d’Aran, er Ajuntament de Vielha e Mijaran e era Associacion Contra eth Cancer (ACC) ena Val d’Aran entara realizacion d’un concèrt benefic de Gospel que se celebrarà pendent eth pònt dera Constitucion e ei organizat conjuntament damb era associacion Aran Teatre.

Er acte a compdat damb era preséncia dera sindica d’Aran, Maria Vergés, deth baile de Vielha e Mijaran, Juan Antonio Serrano e deth president dera AECC en Lleida, Sisco Maranges.

Eth concèrt solidari de Gospel serà eth dia 8 de deseme tàs 20:30 ores ena gleìsa de Mijaran e era totalitat des ingrèssi dera venda d’entrades anarà destinat ara Associacion Contra eth Cancer (ACC) ena Val d’Aran entara sensibilizacion, prevencion e investigacion deth càncer, en tot afavorir es campanhes e actuacions qu’era AECC amie a tèrme en territòri d’Aran.

Era entrada tath concèrt aurà un prètz de 12€ online en seguent enlaç: www.4tickets.es o 15€ en hiestron eth madeish dia deth concèrt .

Vielha, 2 de deseme de 2022