Vielha, 2 de junh de 2017.- Coma cada an, eth Conselh Generau d’Aran, a trauès des agents de Miei ambient, damb era collaboracion dera Societat de Caça e Pesca dera Val d’Aran, a elaborat es censi de primauera, que se realizen damb reclam, entà conéisher eth nombre apruprètz de parelhes de perditz chèrra que i a enes diferentes zònes dera Val d’Aran.
Tant es agents de miei ambient deth Conselh Generau coma es representants dera Societat de Caça e Pesca, cren qu’es perspectiues son fòrça interessantes, vist eth nombre de parelhes que s’an pogut compdar. Çò que mos hè a constatar era bona salut qu’a aguesta espècia enes montanhes araneses.