Vielha, 13 de junhsèga de 2018.- Quan son a punt de començar es colònies d’estiu 2018 organizades peth Centre Juvenil e Esplai Aran-Thal entà gojats e gojates dera Val d’Aran, eth Conselh Generau d’Aran a renauit eth convèni de collaboracion damb eth centre entara organizacion d’aguesta activitat d’òci.

Eth Centre Juvenil e Esplai Aran-Thal organize, des de hè ans, ues colònies entàs joeni dera Val d’Aran que compden damb un centenat de participaires e qu’eth Conselh Generau d’Aran i collabòre damb ua aportacion economica de 8.000 €.

Eth sindic d’Aran Carlos Barrera e era responsabla deth Centre Juvenil e Esplai Aran-Thal, Cristina Riu, acompanhadi des monitors participaires enes colònies d’estiu an signat eth convèni que segontes expliquèc eth sindic d’Aran, arreconeish era capacitat e era experiéncia demostrada aguesti darrèri ans per part deth Centre Juvenil e Esplai Aran-Thal entara organizacion d’aguesta activitat, en tot considerà’c era entitat mès premanida entara realizacion d’aguestes colònies en Aran.

Es colònies d’estiu se realizen entre eth 17 e eth 28 de junhsèga en “Cal Mata” en Saifores (El Vendrell).