Pr’amor dera crisi deth coronavirus COVID-19 eth Govèrn der Estat e era Generalitat de Catalunya implementen ues mesures urgentes tà respóner ar impacte economic e sociau deth COVID-19.
Mejançant diuèrsi Reiaus Decret Lei remassadi en BOE, er Estat a adoptat diuèrses mesures fiscaus e tributàries entà trabalhadors/es autonòms, establiments e activitats afectades, atau coma tanben mesures relacionades damb era salut des persones trabalhadores coma era baisha medicau relacionada damb eth coronavirus o prevencion de risqui laboraus e proteccion dera salut.
S’a abilitat ua adreça e-mail entà respóner toti es dubtes e qüestions sus aguestes mesures: infocoronavirus@aran.org.
En següent document, eth Conselh Generau d’Aran aufrís a totes es persones interessades un resum d’aguestes mesures economiques entà balhar supòrt as empreses e trebalhadors/es pendent era crisi deth COVID-19.