• Per miei d’aguest projècte, impulsat amassa damb eth Departament de Territòri dera Generalitat e Forestal Catalana, s’emet informacion de quinsevolh indici d’os ena Val d’Aran e ena rèsta de Catalunya

Eth Conselh Generau d’Aran, amassa damb eth Departament de Territòri e Sostenibilitat e Forestal Catalana, a impolsat en marc deth projècte Poctefa LOUPO eth mapa d’indicis d’os. Se tracte d’un mapa interactiu que met a disposicion dera ciutadania totes es donades d’indicis de preséncia d’ossi en territòri.

Enquiara, es donades disponibles, que se podien consultar a trauès dera web deth Conselh Generau e deth Departament de Territòri, s’introdusien de manèra manuau. Damb era digitalizacion de tot eth procés, ara a trauès d’ua app es tecnics de camp pòden introdusir de forma mès immediata es donades.

En aguest mapa interactiu se pòden consultar es dates des indicis, eth tipe e era sua validación. Eth mapa non da era informacion exacta der indici per motius de seguretat, s’informe sus es caracteristiques dera mòstra e se place en ua quadricula de 8×8 km. Es donades s’actualizen cada 24 ores.

Ath delà de facilitar informacion en un termini fòrça cuert de temps sus es indicis d’os ara ciutadania en generau, eth mapa tanben vò èster un esturment entà afavorir era coexisténcia der os damb eth sector ramadèr dera zòna.