• Aguesta actuacion, amiada a tèrme damb eth supòrt e collaboracion der Ajuntament de Vielha e Mijaran, a coma objectiu redusir er impacte visuau des ièrles de contenedors per miei d’un barrament de husta mès estetic e compatible damb eth corrècte foncionament deth servici, e se demore poder implementar aguesta mesura en tota era Val d’Aran

• Era pròva pilòt s’inicièc er ostiu passat enes ièrles de contenedors plaçades ena Carretèra de França e finalize ara, un còp passada era tempsada d’iuèrn, damb eth plaçament d’aguest barrament ena ièrla dera Carretèra de Gausac

Eth Conselh Generau d’Aran, damb eth supòrt e collaboracion der Ajuntament de Vielha e Mijaran, a finalizat era darrèra fasa dera pròva pilòt entà minimizar er impacte visuau des ièrles de contenedors en Vielha, en tot plaçar un barrament de husta mès estetic e compatible damb un foncionament corrècte deth nòste servici de remassada de lordères.

Era pròva pilòt s’inicièc er ostiu passat damb eth plaçament d’aguesti elements enes ièrles de contenedors dera carretèra de Gausac e finalize ara damb eth plaçament deth barrament de husta dera ièrla dera carretèra de Gausac, en tot demorar poder hèr extensiu aguest projècte a tota era Val d’Aran.