-
Aguestes amassades, que s’an de desvolopar de manèra periodica entre es representants des associacions, es tecnics der airau de Miei Ambient deth Conselh Generau d’Aran, e membres deth govèrn aranés, responen ara volontat deth madeish govèrn de mantier ua relacion floïda damb eth sector ramadèr entà poder coordinar es accions e trabalhs que son de besonh a nivèu tecnic
-
En aguest sens, eth pròplèu mes de seteme ei previst que se constituïsque ua taula de trabalh damb eth sector a on i siguen representadi responsables sindicaus, es associacions ramadères, tecnics e membres deth govèrn, entà trabalhar en dessenh deth modèl de ramaderia qu’eth país a de besonh e afrontar conjuntament es actuaus rèptes qu’a eth sector coma era modificacion dera normativa o era conviuença damb era fauna sauvatja.
Eth conselhèr de Territòri, Paisatge e Miei Ambient, Francés Bruna, presidic eth passat 11 de junhsèga era amassada periodica damb es presidents des associacions ramadères de cabrum, ovin e equin dera Val d’Aran entà parlar sus totes aqueres questions relacionades damb es sòns airaus.
Er objectiu deth Conselh Generau d’Aran damb aguestes amassades ei poder coordinar damb es associacions ramadères es accions de besonh en sòn dia a dia entà poder atau èster mès agil ena prenuda de decisions, laguens der àmbit competenciau qu’afècte ara maxima institucion.
“Deth govèrn d’Aran ençà auem era volontat de mantier ua relacion fluida damb eth sector ramadèr e seguir trabalhant entà dar-les supòrt pr’amor que sabem que ei un sector clau entath nòste territòri peth gran prètzhèt que desvolopen”, afirmaue eth conselhèr Bruna, en tot híger que: “era Val d’Aran ei un des territòris a on mès supòrt se da ath sector ramadèr en toti es ambits en comparacion damb es territòris vesins e eth nòste compromís ei contunhar trabalhant entà qu’eth sector ramadèr dera Val d’Aran pogue auer es maximes garanties possibles entà amiar a tèrme eth sòn trabalh a despièch dera complèxa situacion que viuen”.
A partir deth mes de seteme, eth govèrn deth Conselh Generau d’Aran crearà era taula de trabalh damb eth sector ramadèr a on se trabalharà de manèra conjunta entà decidir quines accions son de besonh entà afrontar conjuntament es actuaus rèptes qu’a eth sector coma era modificacion dera normativa o era conviuença damb era fauna sauvatja