• Damb er objectiu d’auançar ena implementacion de naues energies en territòri e impulsar era oficina de transicion energetica dera Val d’Aran, eth Conselh Generau d’Aran daurirà enes pròplèu dies era convocatòria entara contractacion d’un tecnic/a de transicion energetica, de conformitat damb era subvencion atorgada per Institut Català dera Energia (ICAEN) en marc dera estrategia Solarcat

Eth Conselh Generau d’Aran publicarà enes pròplèu dies era convocatòria entara contractacion a jornada completa d’un tecnic/a de transicion energetica, damb categoria A2 en regim laborau temporau damb er objectiu d’impulsar era oficina de transicion energetica dera Val d’Aran, laguens deth programa “Impuls dera transicion energetica en marc dera estrategia Solarcat”, de conformitat damb era subvencion autrejada per Institut Català dera Energia (ICAEN).

Aguest tecnic/a assessorarà e cercarà finançament en matèria de transicion energetica as Ajuntaments e particulars dera Val d’Aran, coordinarà era oficina de transicion energetica d’Aran e balharà supòrt as projèctes qu’eth Conselh Generau d’Aran e es Ajuntaments aranesi amien a tèrme en aguest airau.

Entà optar ara plaça, cau compdar damb un grau o licenciatura en engenheria (industriau, energies e sostenibilitat, forestau o similar), sciéncies ambientaus, geografia, biologia, quimica, fisica o equivalents. Es aspirants auràn de superar tanben ua pròva teorico-practica e se tierà en compde es sòns merits coma era experiéncia professionau o era formacion.

Era durada deth contracte serà de 2 ans a compdar dera data de notificacion dera Resolucion d’autrejament dera subvencion per part der ICAEN.