-
Eth govèrn d’Aran trabalhe entà méter en valor es productes agroalimentaris dera Val d’Aran, en tot possar un projècte transversau que permete tanben balhar impuls ara ramaderia e eth desvolopament territoriau
Eth govèrn d’Aran a iniciat un procès de participacion ciutadana entà conéisher es besonhs des persones qu’actuaument son en actiu coma artesans agroalimentaris, atau coma es idies e interèssi des persones qu’agen en ment bèth projècte de futur en aguest sector.
“Deth Conselh Generau d’Aran ençà trabalham entà poder méter en valor es productes agroalimentaris produsidi ena Val d’Aran, en tot impulsar un projècte transversau que mos permete tanben balhar un impuls ara ramaderia e eth desvolopament territoriau” afirmaue eth conselhèr de Promocion Economica, Comèrç e Mobilitat, Josep Canut, “per aguest motiu credem indispensable identificar quini son es principaus besonhs deth sector agroalimentari en territòri entà sajar de trapar possibles alternatives e solucions as rèptes que se detecten”.
Se pòt participar en aguest procès en tot responer ath següent qüestionari:
Damb era collaboracion deth departament d’Acció Climàtica, Alimentació i Agenda Rural dera Generalitat de Catalunya.