• Es trebalhs, que duraràn dus mesi, an coma objectiu ampliar er abitacle entà facilitar as professionaus eth transpòrt de lhets e camilhes sanitàries

Eth Conselh Generau d’Aran ven de començar es trabalhs de renauïment der ascensor muilticamilhes der Espitau Vald’Aran, ues òbres que hauràn ua durada de dus mesi. Eth motiu deth cambi ei degut ath besonh de renauïment que a de perméter facilitar as professionaus eth transpòrt de lhets e camilhes sanitàries.

Aguest servici que va des dera planta-2 ara planta 2, ei de usatge de manèra abituau entà pacients.

Es servicis asistenciaus Integrats d’Aran meten en coneishement des usatgèrs que pendent era durada des òbres, se utilitzarà er ascensor d’accés ath public, entà poder atau desplaçar as malauts entre plantes.

En aguest sens, se desencusen pes possibles molèsties generades per aguesta actuacion que a de servir de melhora des servicis sanitàris.