Eth Conselh Generau d’Aran, per miei dera empresa Servicis Ambientaus dera Val d’Aran (SAVA, S.L.), seguís substituïnt es marquesines de parada de transpòrt public dera Val d’Aran, eth nau modèl dessenhat peth pròpri Conselh Generau a ua estructura metallica mès resistent entà evitar actes vandàlics que se produsien en anterior modèu en quau predominaue eth barrament de veire.

Aguest nau modèu ei fòrça mès resistent, includit ar impacte dera nhèu produsida pes mashines de limpiesa de carretères. Aguest aspècte tanben suberviege ena ruptura sustot dera part baisha des veires frontaus des marquesines plaçades ena carretèra N-230 e C-28.

En paraules deth sindic d’Aran, Carlos Barrera, “eth nau modèl permet contunhar visualizant tot er entorn dera carretèra publica e tanben dera arribada des veïculs de transpòrt. Aguest darrèr aspècte s’a vist completat damb era informacion digitau orària d’arribada que dejà ei installada enes marquesines”.