• Dempús d’auer coneishut er anonci deth Procicat deth lheuament des restriccions comarcaus de mobilitat, eth Conselh Generau d’Aran demane ara Generalitat que hèsque a complir es naues mesures establides e lamente que non s’age responut as demanes e inquietuds que sus aguest ahèr eth govèrn aranés li a adreçat enes darrèri mesi.

En aguest sens, eth Conselh Generau d’Aran regrète era manca d’interlocucion per part dera Generalitat de Catalunya, que non a dat responsa oficiau as demanes presentades as departaments de Salut, Educacion, Presidéncia e Interior, atau coma ath president en foncions dera Generalitat, enes que, entre d’autes accions concrètes, sollicitaue poder conéisher es plans de flexibilizacion des mesures entara Val d’Aran, deuant dera nauta incidéncia de COVID-19 en nòste territòri.