Eth Conselh Generau d’Aran a engodronat eth camin de Camun

Eth Conselh Generau d’Aran a finalizat es òbres de melhora deth Camin de Camun entre eth pònt de hèr e eth pòble de Bossòst. Aguest camin ère maumetut coma conseqüéncia des aiguats deth 2013.

Es accions que s’an realizat an consistit en arranjament deth fèrm, eth redireccionament deth camin en un punt e s’a engodronat.

En paraules deth conselhèr de Territòri d’Aran, Eduardo Valdecantos, “era accion realizada en camin de Camun a estat de besonh entà dotà’c d’ues condicions de seguretat entara circulacion des usatgèrs”. Valdecantos a hijut “cau avalorar fòrça qu’enes moments de crisi des administracions, eth Conselh Generau age artenhut eth finançament de besonh entà apraiar aguest camin”.

Aguest finançament ven deth convèni signat entre era Fundación Endesa e eth Conselh Generau d’Aran entar apariament d’infrastructures d’accès ath miei naturau.

Er impòrt dera accion a estat de 30.000€.