Eth Conselh Generau d’Aran a invertit 9.560,01€ en dues actuacions en camins municipaus des pòbles deth Baish Aran: Bossòst e Les

Degut as aiguats deth passat mes de gèr, eth camin deth depòsit d’aigüa en Bossòst e ua part deth camin de Sadau quedèren fòrça maumesi.

Es trebalhs realizadi en camin deth depòsit d’aigua de Bossòst an consistit ena limpiesa des esbausi e sustot en refòrç deth muro que teng eth camin. “Aguesta actuacion a estat fòrça importanta entà facilitar er accés des servicis municipaus as sòns depòsits d’aigua” a manifestat eth conselhèr d’Empresa e Territòri, Eduardo Valdecantos.

D’aute biais, es trebalhs en camin de Sadau de Les an estat era canalizacion deth barranc, eth transpòrt de terres entà ramplir es trams erosionadi per efècte der aigua e ena compactacion posteriora deth camin. “Maugrat es dificultats economiques que patim, ei volentat d’aguest Govèrn poder ajudar as nòsti municipis en tot çò que sigue possible” a manifestat eth sindic d’Aran, Carlos Barrera.