Vielha, 7 de junh de 2016.- Eth Conselh Generau d’Aran, a trauès dera enterpresa Servicis Ambientaus dera Val d’Aran (SAVA, SL) a realizat ua seria de melhores enes installacions d’ADDA (Associacion Discapacitats dera Val d’Aran), a fin de facilitar es activitats restacades damb eth Talhèr Ocupacionau de dita associacion.

Es melhores an consistit en, renauir era taula de trabalh deth talhèr principau, atau coma es dues taules de trabalh deth dusau talhèr, era installacion d’ua pòrta d’accès ara dusau planta, e era installacion d’un penjaparaigües. Pendent es accions de melhora, tanben s’a profitat entà repintar es solèrs des talhèrs de trabalh.