Eth Conselh Generau d’Aran emplegue toti es sòns miejans entà arréceber eth pas dera 17au Etapa deth Tour de França

Se plaçaràn diuèrsi punts de recuelhuda de lordères entà suenhar eth miei ambient en Pòrt deth Portilhon

20 des 23 equipes deth Tour de França pernoctaràn en Aran

Ei previst qu’era Val d’Aran acuelhe apruprètz de 1000 persones enes disparièrs lotjaments otelèrs deth territòri

Des deth Conselh Generau d’Aran s’a montat un dispositiu d’Emergéncies Sanitaries en Portilhon. Ath delà, i a ua collaboracion entre es autoritats araneses, franceses, e era organizacion deth Tour.

Ath long deth Pòrt deth Portilhon, s’an dispausat diuèrsi punts de recuelhuda selectiva e ua bossa tàs lordères cada 100m entà pr’amor de suenhar eth miei ambient.

Ei previst qu’era Val d’Aran acuelhe apruprètz de 1000 persones enes disparièrs lotjaments otelèrs deth territòri, 20 des 23 equipes participants en Tour de França pernoctaran en Aran.

En paraules deth conselhèr de Territòri, Eduardo Valdecantos, damb aguest tipe d’eveniments demostram qu’era Val d’Aran pòt acuélher pròves esportiues de naut nivèu internacionau. A nivèu de gestion èm prèsti entà aufrir es milhores condicions organizatives entà favorir er espectacle esportiu as assistents ara etapa.

Era Val d’Aran ei un país que cada viatge artenh més preséncia internacionau non sonque a nivèu toristic senon esportiu. En aguest sens, era experiéncia d’auti ans mos ajude a plaçar-mos coma ua destinacion prèsta entà recéber futures competicions, a higit Valdecantos.

Er an 2013 era Val d’Aran dejà siguec scenari d’ua part dera 15au etapa dera Vuelta a España, e en 2012 tanben treiguec profit de dues etapes deth Tour en sud de França, en tant que bona part des equipes e dera organizacion tanben se lotgèren enes otèls aranesi.