Era Garantia Juvenil se presente coma ua orientacion integrau, preventiva e d’atencion primairenca entà contribuïr a facilitar era melhora dera ocupabilitat e era insercion en mercat de trabalh des joeni.

Era Garantia Juvenil, amasse un conjunt de programes de luta contra eth caumatge juvenil entà garantir que toti es joeni enquias 25 ans, tant se son inscriti enes servicis publics d’ocupacion coma se non, arreceben ua aufèrta concrèta (de trabalh, formativa o periòde de practiques) en un periòde maximal de temps de 4 mesi, a compdar dera finalizacion dera formacion o quan inicièren eth periòde de caumatge.

Es requisits entà participar ena Garantia Juvenil son:

– Auer mès de 16 ans e mens de 25, o mens de 30 en eth cas de persones damb un grad de discapacitat parièr o superior a 33%.
– Non èster en actiu.
– Actuauments non arrecéber cap accion formativa ne educativa.
– Èster interessat a participar actiuaments enes prepauses que se plantegen ena Garantia Juvenil.
– Auer era nacionalitat espanhòla o èster ciutadan dera comunitat europèa o auer autorizacion entà residir en eth territòri espanhòu qu’abilite entà trabalhar.
– Èster empadronat en quinsevolh municipi de Catalonha.

Es objectius dera Garantia Juvenil son:

– Redusir eth caumatge juvenil e escuerçar es periòdes d’inactivitat.
– Incrementar era formacion e experiéncia professionau entre es joeni.
– Previer era exclusion sociau entre es joeni.
– Encoratjar era participacion dera joenessa e era societat.
– Trobar un lòc de trabalh en eth mercat laborau

Es accions previstes se vertèbren entorn a quate èishi principaus d’accion:

– Melhora dera intermediacion.
– Melhora dera ocupabilitat.
– Estimulacions ara contractacion.
– Foment dera emprenedoria

Entà dar-se de nauta ena Garantia Juvenil o demanar-ne mès informacion podetz adreçar-vos ara Oficina de Joenessa en: C/ Major, 36, 25530 Vielha. Tel. 973 64 25 60.