• Es persones que non compden damb eth títol d’ESO o equivalent e volguen realizar un cicle formatiu de grad miei poiràn inscriuer-se, a compdar deth pròplèu deluns 18 de mai, a aguesta pròva d’accés qu’aurà lòc eth 3 de junhsèga en ETEVA

Eth Conselh Generau d’Aran organize, un an mès, era pròva d’accés generau a cicles formatius de grad miei. Aguesta pròva permet as persones que non compden damb eth títol oficiau d’ESO o equivalent accedir as estudis de grad miei.

Era crisi sanitària deth COVID-19 obliguèc a posposar aguesta pròva que, finaument, se realizarà eth pròplèu 3 de junhsèga. Totes es persones interessades poiràn realizar era inscripcion a compdar de deluns, 18 de mai.

Entà inscriuer-se cau èster major de 17 ans (o hèr-les pendent 2020) e non se pòden inscríuer es persones damb era titolacion academica que permet er accès dirècte as cicles formatius de grad miei.

Era taxa d’inscripcion ei de 40 euròs e se pòt realizar ena web d’ETEVA.

Entà mès informacion se pòt contactar damb ETEVA a trauès deth mail informacion@eteva.org o ben ath telefon 973 64 45 95.