Damb motiu deth pas pera Val d’Aran deth Tour de France 2016, era organizacion deth Tour de França a dat era possibilitat d’organizar activitats parallèles ara pròva ciclista es dies 4 e 5 de junh.

Des deth Conselh Generau d’Aran, damb era collaboracion der Ajuntament de Vielha e Mijaran, s’a decidit organizar ua pedalada populara “Pedalada la Fête du Tour” eth propèr dia 5 de junh.

Era activitat consistís en hèr ua pedalada populara VIELHA- PORTILHON-VIELHA a on poguen participar tot tipe de persones, des des mès preparadi en aguesta especialitat enquiàs mainatges mès petiti.

Era idea principau ei hèr ua pedalada tamb diferenti punts de gessuda, a on cada participant poderà escuélher quina ei era distància que milhor s’adapte ara sua forma fisica e as sòns besonhs.

En cada punt de gessuda eth grop s’amassarà e se demorarà ath darrèr ciclista, un còp reünits toti es participants se continuarà tamb eth recorrut.

En èster ua pedalada populara damb trànsit dubèrt, cau respectar e complir totes es normes de circulacion, sus era responsabilitat deth participant.

 

 

Itinerari:

 

– VIELHA: Gessuda tas 09:00 ores dera plaça deth Conselh Generau d’Aran.

– Pujaram per Gausac enquiath plan Batalhèr (Pista Varicauva) enquià Es Bòrdes entà evitar ath maxim eth pas pera carretèra nacionau.

– Es Bòrdes – Bossòst ( Rotonda deth Portilhon)

– Pujada tath pòrt deth Portillon a on poderam veir es naui punts quilometrics e eth monument ena sua part finau.

– Portilhon – Bossòst

– Bossòst – Pònt d’Arròs

– Pònt d’Arròs – Vielha

– Arribada en parquing des militars tàs 11:30 ores a on amassaram a toti es participants e procediram a hèr eth Torn Popular pes diferenti carrèrs de Vielha e a on poderàn participar totes es famílies tamb es mès petits.

 

 

– Finau ena Plaça deth Conselh Generau d’Aran on se repartiràn ues samarretes deth Tour de France 2016 entà toti es participants e se realizarà era entrèga de prèmis deth Concors de Diboish deth Conselh Generau d’Aran.

 

Diferenti punts de gessuda:

– VIELHA
– BOSSÒST
– PÒNT D’ARRÒS
– VIELHA ( Torn popular)

 

Es inscripcions se realizaràn ena oficina de Torisme de Vielha.

 

• Adjunham documentacion a ramplir e entregar en moment dera inscripcion:

inscripcion y descarga de responsabilidad (2)

AUTORIZACIÓN PATERNA PARA PARTICIPAR EN LA PEDALADA POPULAR

 

 

 

Vielha, 23 de mai de 2016

 

Conselh Generau d’Aran: Núria Sanjuan