• Pendent tot 2020, eth Conselh Generau a prestat assisténcia e cooperacion juridica, economica e tecnica as municipis d’Aran e, en cas des municipis de mens de 1.000 abitants, a garantit era prestacion des servicis de secretaria e intervencion, damb eth supòrt economic dera Deputacion de Lleida

Eth Conselh Generau d’Aran e era Deputacion de Lleida an tornat a colaborar, un an mès, entà prestar cooperacion e assisténcia tecnica as municipis aranesi per miei deth Plan Especiau de Cooperacion Comarcau dera Deputacion provinciau.

Mejançant aguest Plan, era Diputacion de Lleida a invertit lèu 180.000 euròs entà qu’eth Conselh Generau pogue prestar assisténcia e cooperacion juridica, economica e tecnica as municipis d’Aran, especiaument as de mens capacitat economica e de gestion.

En cas des municipis de mens de 1.000 abitants, aguest Plan de Cooperacion garantís tanben era prestacion des servicis de secretaria e intervencion.